Maadhimisho/Anniversaries

Ikiwa leo ni siku ya Afya ya akili Duniani inayoadhimishwa Oktoba 10 ya kila mwaka, wagonjwa wenye matatizo hayo yaliyosababishwa na Matatizo mbalimbali wameitaka serikali na jamii kuwathamini wauguzi na madaktari wanaowahudumia

Nchi yetu ina zaidi ya watu 450,000 wenye matatizo ya afya ya akili ambao wengi wao ni vijana wenye umri wa kuanzia miaka 15 na kuendelea tatizo lililotajwa kusababishwa na matumizi ya madawa ya kulevya ikiwemo uvutaji wa bangi.

Waziri wa afya na ustawi wa jamii Tanzania Dkt. Seif rashid ametoa takwimu hizo leo kupitia tovuti yao ya afya kuelekea maadhimisho ya siku ya Afya ya akili duniani ambayo kitaifa yataadhimishwa hii leo tarehe 10 mwezi huu katika viwanja vya Mnazi Mmoja jijini Dar es salaam.

Dkt. Seif amesema ugonjwa wa afya ya akili

 umekuwa ukiwakumba wazee ambapo umekuwa ukiathiri uwezo wa mtu kufikiri, kuhisi, kutambua na kutenda na hivyo kuwa na mwenendo au tabia tofauti usioendana na jamii na kushauri kufikishwa  katika vituo vya afya au hospitali kwa mtu mwenye dalili kama hizo.

 MAONI YANGU

 Kuna uhaba mkubwa wa hospitali na vituo vya kutibu maradhi ya akili nchini na hata hivyo vichache vilivyopo havina watoa huduma wa kutosha. Kwa mfano hospitali ya rufaa ya magonjwa ya akili ya Mirembe ina daktari bingwa mmoja huku ikiwa na upungufu wa madaktari 150. Ni wazi kwa kuangalia hospitali hii kubwa hali itakuwa mbaya zaidi katika hospitali za mikoa na wilaya.

Sambamba na hilo pia jamii inagubikwa na unyanyapaa kwa wagonjwa wa akili huku mateso na manyanyaso kwa wenzetu hawa yakionekana kama kitu cha kawaida katika jamii. Kuna taarifa nyingi za kubakwa na kunyanyaswa kijinsia wanawake wenye matatizo ya akili huku jamii ikilifumbia macho suala hili.Hivyo ni wajibu wa wadau wa sekta ya afya kuanzia serikali na watu binafsi kuona uzito wa jambo hili na kulipatia ufumbuzi